* بكتب ليك رسالة حب
بحروف مرسومة في جواي
رسالة بتحكي ليك الحب
ومكانتك انت في دنياي
لقيتك يا ملاك صدفة
وجعلتك انت كل مناي
محال اعشق سواك انسان
ومحال غيرك يكون مرساي

ღღღღღღღღღ

في المسافة البيبن عيونك اتولد زمن التواصل..

والنسيمات الغشن دار الهوى زرعن شتيلات الفرح فوق الخمايل

وشوقي لي بهجة صباحك ببقى باين في سلامي وفي كلامي وفي الرسايل..

ღღღღღღღღღ

سلام نسمة فرح تنساب بلا ميعاد..

سلام لابس وشاح نبراس يضوي الكون لكل الناس..

سلام نديان غنا واحساس ..سلام لكل زول حساس..

سلام مخصوص لاعز الناس..

ღღღღღღღღღ

لو إن خيطاً من شعاع النور جاء ..
لنسجت منه عباءة طرزتها شوقاً إليكم ..
ومددت من كفي شراعا عابراً كل المدائن حاملاً شغف اللقاء ..
رافعاً وجه التأمل نظرة تجتاز طين الأرض تلتمس السماء ..

ღღღღღღღღღ
عادة ما تستديم في ذاكرة الانسان
الاشياء الروائع
وتستديم معها محطات وجدانية
بعمق الدهشة نستظل بها
كلما عتم الدرب هكذا كنتم
وهكذا احببناكم حد الارتواء
ღღღღღღღღღ

اشتقت ليك لما الجفون تتلاقى
في لحظة منام
اشتقت ليك لما الطيور عند الصباح بتقول سلام
اشتقت ليك كل ما الدموع تنزل من شوق أو ملام
اشتقت ليك ياا لوحة معجزة كل الكلام

ღღღღღღღღღ
* أدسك كيف من الأيام
من الدنيا البقت جانية
اقول مرات اهاجر بيك نسافر لي بلاد تانية
بلاد ما فيها ناس ظالمين
موشحة بالظلال حانية
نمشي نوقف الساعات ونتقاسم الثانية
ويا ريت نتقاسم الانفاس وادسك من عيون الناس
ღღღღღღღღღ

يا سحابات اشتياقي ,صبي في راحة يديهو..

اكتبيلو ,اني دايما بفقدو وبسأل عليهو..

ღღღღღღღღღ

لو اهاجر ماني هاجر..

لو اغيب انا من عيونك..انت في عيني حاضر..

ماني ناسي وماني قاسي..الا بس مشتاق وصابر..

ღღღღღღღღღ

وانت مافي أي حاجة بتبقى ما في ..
الشمس تلقاها ما في ..
والبحر من غير مرافيء ..
والمدن بتكون منافي ..
والحنين يبقى جافي ..
العسل ما يبقى صافي ..
كيف يبقى صافي وانت مافي ؟!

ღღღღღღღღღ

كتير في الدنيا ناس طيبين
تجيك بالفرحة تتقدم
شايلة الطيبة والتحنان
تمسح للدموع والهم
ترد الخاطر المحزون
تحس في حديثا احلى نغم
تواسيك في الحزن والخير
وتصبح للجراح بلسم

ღღღღღღღღღ

احسك تسري بين الدم

اشمك يا عطر ينشم

اشيلك جوه شرياني..على كيفك تضخ الدم

ღღღღღღღღღ

ما على لو جات مواكب

ولا فاتتني المراكب

القمر ما دام معايا

اعمل ايه انا بالكواكب!!

ღღღღღღღღღ
* حياتك عندي غالية شديد
وحبك فيني اصلو اكيد
حكاية تقطع اخبارك لمن انت تبقى بعيد
بكون الحال صعيب دونك
وغيرك انت ببقى شريد
بكون ضايع بفتش ليك
لأني معاك ببقى سعيد
بكون مليان حنين وحنان
وشوق دفاق وفرحة عيد

ღღღღღღღღღ


* من ضجيج زحمة الايام اشيل خطواتي
وامشي ليك اهاجر بيك لمرسى بعيد
وعن اشواقي احكليك
حكاية زول بيشتاق ليك
وانت معاه في الخاطر يناديلك
يدون في الخيال رسمة
وبأروع معاني الشوق يغنيلك

ღღღღღღღღღ
 

سفر خطاي لمدن بهاك رغم الحزن باين عليك

اصلو الحنين وقتين يغيب ما عندو غير ضفتيك

غالطت درب المستحيل مديت خيوط الريد عليك

اصلو البيضوق من كاس حلاتك يدمن الشوق في عينيك

ღღღღღღღღღ

بختصر عذب الكلام ..واختصر احلى الجمال

احتصر كل الشعور في كلمتين

((اشتقت ليك))

ღღღღღღღღღ

أعاين فيك ألاقي خطاك معاي ديمه
وأشوف عينيك مع الغيمة
وأشيل ذكراك صفه وسيمه
يا أروع زول قدر يكسر رتابة الكون
ويتحكر في الأعماق هــــوى وقيمة

ღღღღღღღღღ
غنى فى أعماقي صوتك غنوة الشوق والصبابة
والبرق لاح من عيونك داعب احلام السحابة
الحنين الفي كلامك بدد الهم والكآبه
المشاعر الشاردة جاتك ومارجت ميعاد إيابا

ღღღღღღღღღ


* ممكن الزل ينسى امسو
وينسى يومو الطالعه شمسو
ينسى ناسو
وليهو ينسى
بس كيف ينساك انت
وانت نفسك ياها نفسو

ღღღღღღღღღ

* احس الوقت من غيرك زمن واقف بلا معنى
واحس بالبسمة لي غيرك مسيخة
ومره زي عبره
واحس لمن تجي رسالتك ظلام شاقيهو ضي قمره

ღღღღღღღღღ

* حبك لي غالي علي
بحسوا بقلبي
وبشوفوا بعيني
حبك لي
بطمني
بعيشني احلى سنين عمري
احساسي معاك صدقتوا خلاص في عيني
انا ليك ومعاك
حبيبي ارتاح عمري ما حا انساك

ღღღღღღღღღ

لو الفراش يقدر يعيش من غير ورود..

لو الدموع تقدر تسيل من غير خدود..

لو الشمس بعد الغروب تحلف انا ما بعود..

انا قلبي ليك بظل

وفي..وبالريدة

ليك دايما

يجود

ღღღღღღღღღ

اسالمك في عيون الناس

واشوف كل العيون عينيك

لانك انت كل الناس

وعشان بهواك وبفرح بيك

أسيب الناس وألجأ ليك

ღღღღღღღღღ

القاك في كل خطوة وكل لفته زول جميل

في كل شتلة على الضفاف حاضنة الجروف ساقيها نيل

في كل غيمة صيف تظل تبسط طلالها على الشتول

والقاك في سرب الظبا الراجع مراحو مع الاصيل

ღღღღღღღღღ

لقيتك لا اثر باهت ولا ضنا يجوس في الجوف

لقيتك رمز انساني نسيج من رقة الاحرف

كتبت على الصبر بهواك وزال من قلبي معنى الخوف

مش غريبة تكون معاى ويبقى معاك سر الشوف

ღღღღღღღღღ

* يا المخلوق بلون الطيف
اوصف فيك
اوصف كيف
يا الحيرت اوصافي
يا السر العميق خافي
بحر ما طالتو مرافئ
وابلغ من وصف شاعر
عشان يتختا في قوافي
منك تبتدي الروعة
وبعدك روعة جد ما في

ღღღღღღღღღ

 *انا لو اقول اشتقت ليك
ما اظن قلت الجديد
لكن بقول احتجت ليك
والحوجة افضح للبريد
والوحشة في البعاد
تتنازع الاشواق شديد

ღღღღღღღღღ

* بقيت اعشق هوى الدنيا
بقيت اسرح مع الاحلام
رسمتك في ضفاف النيل
سمعتك في صدى الأمواج
حلمت معاك اكون انسان
اسوق الدهشة في الواقع
اشوف اللهفة في عينيك
بتغمر طرفك النعسان

ღღღღღღღღღ

في المسافة البين عيونك اتولد زمن التواصل ..
والنسيمات الغشن دار الهوي ..
زرعن شتيلات الفرح فوق الخمايل ..
وشوقي لبهجة صباحك يبقي باين ..
في سلامي وفي كلامي وفي الرسايل

ღღღღღღღღღ

شواهد بتحكي وعنك تقول
لأنك بداية ونهاية فصول
لقيتك مواسم فرحنا البقاسم أرضنا الشتول
لقيتك معزة وانت الاعزا وداير اقول..
بريدك حقيقة ووصفك يطول

ღღღღღღღღღ
ولدوني كاسوك لي ند..
فطموني قبال اتولد بي ريدك الازلي الوجد...
في طينتي قبال انطرد من اعلى جنة الى الارض..
احبك واتاتي استمد منك مساراتي واسد قبة سماي بي طلعتك

ღღღღღღღღღ

انا ظني لما الدنيا تقسى على تكون انت الملاذ
زي الدعاش بعد المطر شايل على كتفو الرذاذ..
والواطة ترضى عن السما.. ويصالح المطر الحراز..
وفرح المواسم بي مجيك يبقالي تأشيرة وجواز..

ღღღღღღღღღ

مساك زي مساء العيد ورسمة جميلة لي لوحة...
نمة زول صبح مسرور وصوت عصفور وكت يصحى..
قراية شيخ مع الحيران تلاوة طفلة بطرحة..
مساك زين ومرحبتين حقيقة قلوبنا منشرحة..

ღღღღღღღღღ

لمحتك نجمة ضوايا..كتمتك فرحة جوايا

غرامك موجة بتعاند..تمرجح ذي سفن جايا

عشقتك في زمن قاسي..كتمتك جوى انفاسي

عذابك سكة ممدودة ..مداخلك صعبة للغايا

بفتش في سواحلك طاشي..اريتك تبقى مرسايا

ღღღღღღღღღ

سالين عليك كل العباد ..الجوانا منك والمشو

يومياتي سيرتك احلى ذاد لزول غيابك اوحشو

يتنسم الاخبار عليك ..ما السيرة ساكت تنعشو

ღღღღღღღღღ

سلام اكتر يشيلو الشوق في اعماقنا يتحكر

ولمن تبعد الخطوات نشيلو حنين ونتذكر

نقول يمكن نلاقيكم نبل الشوق ونتعطر

ღღღღღღღღღ

كلمات فرح من زول ولوف مطليه بريحة الدعاش

مسقيه بموية الجروف تسال عليك دايما تطوف

مصيرها توصل ليك تشوف..نهدي ليك سلام بالالوف

والشوق كمان مالي الرفوف..وباقيهو واقف صفوف

ღღღღღღღღღ

كنوز جواك ما بتكمل, تضوي الليل وتتجمل

ذي عصفورة حامت فوق,و ركت في قليب انبل

كنوز من شهدك الفياض ,ونكهة روحك الصندل

ما انت سواحلك الافراح,ومنبع نيلك المنهل

وصورتك شرفة الاحلام,ومشاهد نجمة تتجول

ღღღღღღღღღ

*خايفه ان الزمن يبعدك عني
تقفي وتزيد من نزف الجروح
ان الغير يسرقك مني
وعلى صدي صوتك ابكي وانوح
بحق الغلا صارحني وعلمني
اديني من الأمل قصر وصروح
وحياة عيونك ريحني وطمني
انا استاهل قلبك
ولا امشي واروح

ღღღღღღღღღ
* لو تمادى الدهر مرة
والستار بيناتنا سدلوا
والا طالت بينا مدة
والتلاقي امتد اجلو
المسافة اكيد ما بتقصر
والرسايل تبقى بدلوا

ღღღღღღღღღ
* بتمنى ليك كل السمح
لا تشوف عذاب لا تنجرح
واتمنى ليك سعد العمر
لا حسرة ولا احزان تمر
ويا ربي تنعم بالصبر
ويديك كمان طولة العمر

ღღღღღღღღღ

معاك يبقى الزمن حاضر

يجي العالم قريب مني ويكون اجمل

بعيد منك بيموت صوتي ويغيب فرح الزمن يكمل

هواك مد الافق جواي رسم قامة الشمس اطول

ღღღღღღღღღ

الطقس المتوقع ليوم الغد

مطرة خفيفة زي دمك

سما صافية زي قلبك

شمس ساطعة زي نجمك

سحابة جميلة زي شوفتك

واخيرا نسمة رقيقة زي طبعك

ღღღღღღღღღ

على الحديدة ماعندي ولا رسالة جديدة

بس

اشتقنا ليك

هي الكلمة الاكيدة

ღღღღღღღღღ

ممكن انسى ربيع حياتي

وانسى مشوار ذكرياتي

واقفل ابواب امنياتي

الا انت البيك بهاتي

انت روحك مالكة روحي اما

ذاتك ياها ذاتي ..ممكن ابعد

اي خاطر ولو يكون سيد الخواطر

الا انت الفيك بخاطر مهما كان نوع المخاطر

ღღღღღღღღღ

مساك زي مساء العيد ورسمة جميلة لي لوحة...
نمة زول صبح مسرور وصوت عصفور وكت يصحى..
قراية شيخ مع الحيران تلاوة طفلة بطرحة..
مساك زين ومرحبتين حقيقة قلوبنا منشرحة..
ღღღღღღღღღ


انا بشتاقك نسمة تغازل فيني دواخل
همسة بتغسل قلبي وتنزل تمشي مراحل..
واقرأ في بعدك عنوان همي واتبع طيفك سكة وساحل..

ღღღღღღღღღ

بيني وبينك شوق خرافي وعشق ساكن في الدواخل
والحنين الشايلو ليك حاشى ما بطولو العوازل.
كل يوم يزيد ويكبر زي سحاب القبلي شايل..
ولما يمطر في ربوعك.. ياما تخضر السنابل..
وتفرح الازهار تغني برضو تزدان الاصايل
ღღღღღღღღღ

أشواقي ليك بالريد تطوف
تسأل عليك كل الحروف
تشتاق دوام لطلتك.. لوبينا ما جدت ظروف
نتلاقى في ساعة صفا.. ونتلاشى جنبك يا ولوف

ღღღღღღღღღ

اشواقي ليك من عمق السحاب تتقاطر درر

وقت الروابي بتغازل نسيمات المطر

كل خاطر عرف حدود شوقو

الا خاطري بالشوق انفطر

ღღღღღღღღღ

يا مشتول جوانا محكر

يا مغروس في ذاتنا واكتر

ما بننساك محال ما بنقدر

لو طولنا الغيبة

عليك اكيد بنفكر وفيك نتذكر

ღღღღღღღღღ

لما ترسل انت كلمة يحتشد جواي حضورك

وعطرك الفواح يدفق من حروفك ولون بخورك

وببقى ذي مخلص بفكر ارسل الافراح تزورك

ღღღღღღღღღ

لو انساك

ينسى النور حباب عيني

وتنسى البسمة لون شفتي

وتنسى العافية عودتها لي

انت الفرحة في جواي

وانت الضحكة في عيني

وانت العافية البسها لي

واقول الله يحفظك لي

ღღღღღღღღღ
شوقنا يسبق في خطانا ولهفة تسأل عن عيونك
والمشاعر بيك فاضت والمكان كيف يحلو دونك
والقليب دقاتو قالت ما اظن في يوم تخونك
لو تجور تنساه انت برضو تلقاه بيصونك

ღღღღღღღღღ

اصلي سارح في عيونك
وناوي اسرح للنهاية
ولو قيس صبح مجنون ..
اصلو شال مني البداية
القصة ما قصة جنون
اصلو الجنون علاجه آية
القصة قصة زول عشق ..
فيك المحاسن والسجايا

ღღღღღღღღღ
* كنوز جواك ما بتكمل تضوي الليل
وتتجمل زي عصفورة حامت فوق وركت في قليب انبل
كنوز من شهدك الفياض ونكهة روحك الصندل
ما انته سواحلك الافراح
ومنبع نيلك المنهل
وصورتك شرفة الاحلام
ومشاهد نجمة تتجول

ღღღღღღღღღ
* تبقى كل الدنيا سمحة لما بس هاتفك يواصل
ترحل احزاني العميقه
ويستقر فرحي المسافر
اصلو شوقك فيني راسي منتظر عينيك تراسل
ابقى واصل ما العيون الفي انتظارك زي مطر الفواصل
ღღღღღღღღღ

* يا سلام لو كنت تعرف انت ايه بالنسبة ليا
ما بقول ليك انت روحي
احتمال اكبر شوية
بس تاكد انو ريدك في الضلوع نيرانو حية
مستحيل في يوم حتخمد طالما الدم جاري فيا

ღღღღღღღღღ

* منو الزيك يحس بالناس
منو االزيك جميل حساس
ومشتاقين يا اعز الناس
اعين فيك الاقي خطاك معاي ديمة
واشوف عينيك مع الغيمة
واشيل ذكراك صفة وسيمة
يا اروع زول
قدر يكسر رتابة الكون
ويتحكر في الاعماق هوى وقيمة
ღღღღღღღღღ

سالين عليك كل العباد الجوانا منك والمشو

يومياتي سيرتك احلى ذاد لزول غيابك اوحشو

يتنس الاخبار عليك ما السيرة ساكت تنعشو

ღღღღღღღღღ

حنان الدنيا ممزوج في عيون الالفة والطيبين

مراسي الشوق تودينا وتجيبنا على هوى الغالين

وحات الله وحات الريدة مشتاقين

ღღღღღღღღღ

نحنا ماناسين عيونك

انت ما تنسانا برضو

لونفارق لحظة طيفك

يبقى طول النيل كعرضو

ღღღღღღღღღ

بتستاهل يجوك الناس ويعمرو بالفرح بيتك

يغنو لك غناوي الفال وتبقى البهجة عيديتك

تنور بالجديد دنياك تكون حققت امنيتك

وتستاهل سلام من زول بعيد بتهمو عافيتك

ღღღღღღღღღ

نحن بنحسك مودة ونسمة تدينا الوئام

انت في جوانا بلسم وكل باقي الناس زحام

نرسل الدعوات سماحه وليكم الاشواق هيام

ღღღღღღღღღ

* لو قلت عايز تحتجب عشان تحس بشوقنا ليك
او قلت عايز تختفي وتبعد عشان ما نشتهيك
خليك عارف انو لو طول غيابك انحنا ارواحنا بتجيك
 

ღღღღღღღღღ

الحكمة

في كونك بعيد والناس دوام تتشابى ليك

والروعة

انك زول عنيد وقلوبنا ساعيه دوام إليك

والادهى

انك جد فريد وكل الخصال السمحه فيك

والدهشة فيك

فبال افارقك بشتهيك

ღღღღღღღღღ

كتبت ليك قدر المسافة البينا والشوق والحنين..

واشتقت ليك راجي القدر يجمعنا بيك ويطوي المسافات والسنين

عايش على امل اللقا بعد الشقا في دنيا ما بتعرف تلين

ღღღღღღღღღ

روحي يا رساله لاحلى زول

وزوريه ولو كان نايم ارجوك

لاتزعجيه وان مل صبرك من الانتظار

صحيه وعن لهفتي في غيابه خبريه

وقولي ليه (صاحب الرساله بعزك)

وانت ما فكرت فيه وان ما جاوبك

خليه يفكر لاتحرجيه

ღღღღღღღღღ

يبقى عيدك ..
لم تلقى إنسان بريدك ..
تبقى عايش في دواخلو ..
ويبقى مشتول في وريدك ..


ღღღღღღღღღ
أصلو العناد من غير سبب ماأظن يشبه رقتك ...
ماالطلة منك لينا عيد ياعيدنا طالت وقفتك...
الناس بتسأل وين تكون والناس بكت يوم شافتك...
والحالة عرفوك من بعيد كيف القريب من إلفتك...

ღღღღღღღღღ

 لما ترجع لينا انت تصدح الاطيار سعيدة..
ترجع الموجة القبيل من ضفاف كانت بعيدة
تهجر الضفة السكون تصبح الاحزان وحيدة..
تعاود الغيمة الهطول وترجع ايامنا السعيدة

ღღღღღღღღღ

مهما أبعد ما بقول في لحظة أنسى..
ولو مراكب شوقنا تاهت بكرة بالافراح بترسى،
وتبقى لي أحلى واحة ولدروبنا الطايلة مرسى.
انتي د ائماً في خيالي وانتي في ذكراي هسه

ღღღღღღღღღ

لو أى زول في الدنيا فاكر
انو ممكن يملأ خانتك
أو يسكن في مكانتك
يبقى واهم يبقى ما شاف ابتسامتك

ღღღღღღღღღ

وريني كيف ابدأ الكلام وانا فيك غالبني الغناء ..
وريني كيف اوصف بهاك وانت المراد غاية المنى
ما البينا اروع من كلام اشواق سنين متمكنة

ღღღღღღღღღ

يا مدائن الروعه جيتك افتحي الباب دخليني
ويا صدف ماكان في ايدك من لقاهم تحرميني
في الأزل مكتوب تصدق يا أجيك ياكان تجيني

ღღღღღღღღღ

عشانك إنت يا رايع أسامر طيفي بي ذاتك
أكون في كل لحظاتك شموس تدخل مداراتك
تزيح عنك ظلام الهم تضويلك مساحاتك
أكون في دمك المعسول أنظم ليك نبضاتك
أحلق في مداخلك شوق يطل على كل مساماتك

ღღღღღღღღღ

لو هواك أنفاسي شالا ..
والغيوم حجبت هلالا ..
أقدر أنساك إستحالا ..
أنا أنسى كيف نبع الأصالة ..
أنسى كيف دنياي بحالا ..
ღღღღღღღღღ

فتشت في اعماق دواخلي التشتهيكـ .. عن كلمة توصف شوقي ليك..

مالقيت غير نبضات قليب يلفظ اواخر انفاسو بيكـ.. يفضل يردد كل دقه

حن ليك..وفي كل نبضه تلقاهو ذايد شوقو ليك..

ღღღღღღღღღ

المشاوير لما تكتر

التعب في الماشي يظهر

الا مشوار الصداقة

كل ما طال بيحلى اكتر

ღღღღღღღღღ


نور الله صدرك كما أفلت الشمس والقمر
وازاح الله همك كلما حج فوج واعتمر
وجعل الله ذريتك كابى بكر وعمر
وغفر الله لوالديك على مد البصر
وكثر الله احبابك ومحبيك فيه بعدد ملايين البشر

ღღღღღღღღღ

لما الشوق يسوقني اليك بودي مراكبي لي نيلك

اكون فرحان اذوب بحنان بكون في لهفة احكيلك

بشيلك فيني في الاحساس بناديلك

ولو احساسي ما شالك عيوني رحيبة بتشيلك

ღღღღღღღღღ

اشتقنا ليك لمن عيون الشوق بكت

واحترنا كيف نعبر متاهات الدروب الابعدت

ولمن عرفنا الشوق حبالو اتمددت

رسلنا اجمل امنيات لي اغلى زول واحشنا جد

والشوووق كتر لمن فلت

ღღღღღღღღღ

وكت نحتاج بنرجع ليكـ

بندخل في الحروف نلقاكـ

وفي نبض القصيد نلقاكـ

وفي لون الغبش نلقاكـ

وفي وهج الصباح نلقاكـ

وفي كل العيون نلقاكـ

اصلكـ انته لسه معانا ,في شريانا,في وجدانا,في دنيانا خلدناكـ

ღღღღღღღღღ

الصباح من غير عيونك
يبقي ليل حاضن جراح
والظلام بي نور جبينك هو الصباح

ღღღღღღღღღ

سلام نسمة فرح تنساب بلا ميعاد..

سلام لابس وشاح نبراس يضوي الكون لكل الناس..

سلام نديان غنا واحساس ..سلام لكل زول حساس..

سلام مخصوص لاعز الناس..

ღღღღღღღღღ

رسمت بطيبتكـ لوحة..وكنت بروعتكـ فنان..

اخذني ذوق احاسيسكـ ..مثيلكـ مالقيت انسان..

ღღღღღღღღღ

كان تعاند ..كان تجافي ..كان تزيد ألمي الخرافي

وعشان بعزكـ وغصب عني ..وهاكـ كمان اقرا اعترافي

اعترافي اني .. قلبي غيركـ مالو منية ..اي دنيا يشوفها غيركـ ماهي دنيا

انت منية واحلى منية ..وانت من الرعة اروع..

ღღღღღღღღღ

بتمر على نسيمات دعاش ..طافت عليكـ ما ألطفا

بتشيل سلامي وشوقي ليكـ..تهديكـ اشعار الوفا

ترحل تجيكـ عز الصقيع..وتلاقي في حضنكـ دفا

وانا لما اختار يعز..اختاركـ انت واكتفى

ღღღღღღღღღ

نتقابل ونرسم في حشى الايام تصاويرنا

نضيع في زحمة الدنيا وتحس بالالفة ناس غيرنا

مع ضوء الشمس تشرق ملامحنا وتعابيرنا

ونضيع لكن لسه موجودين ..لابتعب ولاكملت مشاورنا

ونتقابل

ღღღღღღღღღ

لما تهجع في وسادتك تلقي روحي ملت جوانحك

ولما تغمض رمش عينك ابقى في نومك ازاحمك

ولما تبقى امام مرايتك تلقى صورتي كست ملامحك

ولما تمرق لي صحابك وكل زول بي شوق يسالمك

تلقى في ايديهو ايدي ولمحة من عيني تصافحك

ღღღღღღღღღ

فقدناكم ولو بي ايدينا

وسط الحلم جيناكم

وحشتونا ولا ندري اذا كنا وحشناكم

ღღღღღღღღღ

فجاه وبدون احساس بين صمت واندهاش نطق قلبي وقال وحشتني يا اعز الناس

 

ღღღღღღღღღ

الورد يهدى من وفاء الناس للناس
لكن امن غير الناس انت للورد نهديك..

ღღღღღღღღღ

اناديك ويبقى للحكي في داخلي ميعاد ولا ادري ليه لوضقت بزماني اناديك
احبك احبك احبك ليه اكررها وليه بداخلي تنعاد ولو اصرخ في هواك مليون احبك احبك ما توفيك

ღღღღღღღღღ
في "6" مشتاقين لك موت..

سمعي وشوقي

قلبي

وروحي

وانا مرتين

ღღღღღღღღღ

كل عام وانت الوتر
وانا بتلهف شجونك

كل عام وأنت المطر
وأنا بترصد هطولك

يدخل رزازك غرف الروح ، يزيل فتر
ينعش عبيرك ، ضي القمر

ღღღღღღღღღ
حلاوة الدنيا لما الزول يفتش ذاتو في ذات زول يكون ذاتو ...

وعذاب الدنيا لما الزول يفتش ذاتو في ذات زول ، يفتش لسع في ذاتو ....

ووعد اللقياء لما الزول يفتش ذاتو في ذات زول يفتشو ذاتو في ذاتك ....

ღღღღღღღღღ
البيني بينك حاجة اكبر من
صداقة ومن زمالة ومن نسب
حاجة حافراها المشاعر جوة في عمق العصب
حاجة تديك الامان لما الزمان يصبح صعب
حاجة تملا الكون هدوء لما تشعر بالتعب

ღღღღღღღღღ

عندما تختلط المفاهيم

وتسقط المعايير

عندما ينتشر الظلم

في الأرض ويعيش الناس خائفين

عندما تنتشر الحروب وينعدم السلام
وينعدم الأمن

عندها فلنبكي وننادي
بصوت واحد ...

حنانة نسى أهلو ما نسانا

ღღღღღღღღღ

بستأذنك
انسج حروفك واحفظك
جوه الدواخل وفي العيون
وفي كل حاجه بتشبهك
في طلعه النور والصباح
عشمان أ قابلك والمحك
واكتب بالخط العريض
مشتاقه كتير لي طلتك

ღღღღღღღღღ
كلمه منك لوتعاتب اغلى من كل الغناوي....

والبتهمسو بين سطورك عندي بي كل الحكاوي.....
ومافي اجمل من مقاطع انت بي اشواق تقولا....
والعيون منتظره جيتك فارده غاباتا وسهولا......
والكليمات التطمن نحن منتظرين وصولا.
ღღღღღღღღღ

الله لا يحرمني من خمسة
قلبك
وحبك
وودك
وقربك
وعيونك يا اللي
تفرا رسايلي

ღღღღღღღღღ

عشانك إحنا بنواصل ،،

إن قلت أحبك قليل، مين يوصف المستحيل،حبي لك شي خيالي،حب ماله مثيل.أحبك.

ღღღღღღღღღ

ياليت لواهديك
قلبي لكنه ملك
ربي فهل يكفيك
حبي؟

ღღღღღღღღღ


عايز أهديلك عيوني
بس تراجعت!!!
خفت أشتاق لك
وماأقدر أشوفك

ღღღღღღღღღ

وجود الحب يكفينا..
ودا كل امانينا..
انا وانت فينا..
طبع اذا حبينا..
حبينا...
ღღღღღღღღღ

اذا لم تجمعنا الايام..
تجمعنا الذكريات..
واذا العين لم تراك..
من العكس لن ينساك....

ღღღღღღღღღ

نفسي ألقاكي الصباح قبل ما يغشاكي زول ..

أبقى لعويناتك ضياء ..وأبقى لقلبك رسول ..

أبقى لفرحك معزة .. وأبقى لعمرك فصول..

أبقى في دنياك محبة لا ملاحة ولا عزول ..

ღღღღღღღღღ

لو ضلت خطاي دربك|
وتاه في السكه احساسي
تاكد اني ما بنساك
وانك اخر انفاسي

ღღღღღღღღღ
مدام نسى النمره
واختار سوانا حبيب
خلينا للشبكه
تقطع حرارتو قريب

ღღღღღღღღღ
منو السواك مرايه شوق
نعاين فيها لي زاتنا
ومنو الاداك ضو اخضر
عشان تدخل مساماتنا
وتكون في بالنا طوالي

ღღღღღღღღღ
يبقى عيدك
لما تلقي انسان بريدك
وتبقي عايش في دواخلو
ويبقي مشتول في وريدك

ღღღღღღღღღ
البريدك مابيقول ليك
حقو انت تحس براك
يبتسم يضحك يقابلك
يبكي بالدمعات وراك

ღღღღღღღღღ
لافؤادي ولا عيوني
لو خسرتك ينفعوني
ياصدى صوتي وسكوتي
بعدي عنك يعني موتي

ღღღღღღღღღ
ابرسلك حنين وشوق
وباقة ورد خجلانة
خجول الورد ماينلام
لإنك أروع إنسانة

ღღღღღღღღღ
مني السلام
على من لست انساهم
إن غابو عن العين
في القلب مأواهم
ღღღღღღღღღ

استخسر اراسلك عارف لية....؟

ما عاوز الرسالة تشوفك وانا محروم من شوفتك!
ღღღღღღღღღ

سألت الروح مين اعز انسان تحبينة
"" قالت اكتب رسالة وشوف لمنين اوديها
ღღღღღღღღღ
مهما كثر انشغالي.
قلبي بيك مشغول
و ان قل مرسالي
فانت في البال على طول

ღღღღღღღღღ
الناس تراسل ناس.....
وانا اراسل قمر....
انت اهم الناس..
وغيرك يموت قهر..

ღღღღღღღღღ


قالو القمر غايب اليوم قلت كزابين قالو شو دليلك قلت اهو ماسك التلفون

ღღღღღღღღღ

في دروب الحياة كثيرا من الوجوه تمر علينا..
بعضها علاه غبار النسيان..
بعضها تداخلت ألوانه..
والبعض كان هشا حطمته المواقف وداسته الأيام فذرته الرياح ..
أما أنت
فسيظل وجهك منحوتا في دواخلي

ღღღღღღღღღ

اصلي سارح في عيونك
وناوي اسرح للنهاية
ولو قيس صبح مجنون ..
اصلو شال مني البداية
القصة ما قصة جنون
اصلو الجنون علاجه آية
القصة قصة زول عشق ..
فيك المحاسن والسجايا

ღღღღღღღღღ

طولت منك واشتهيت ضحكة عيونك والكلام

وانا كنته قايله اكتفيت برساله منك والسلام

تاري البعاد زاد الوداد والشوق فلت من شوقو هام

وسلم عليك

ღღღღღღღღღ

 أصلو العناد من سبب ماأظن يشبه رقتك
ماالطلة منك لينا عيد ياعيدنا طالت وقفتك
الناس بتسأل وين تكون والناس بكت يوم شافتك
والحالة عرفوك من بعيد كيف القريب من إلفتك

ღღღღღღღღღ

نقل فؤادك حيث شئت من الهوى
ما الحب الا للحبيب المغترب
واهجر حبيبك ان يكون مقشطا"
واصرر وجيهك ثم تكتك وانسحب
واشخر بنومك ان يزورك عاتبا"
واكحل بطرفك ثم هضرب وانقلب
واذا مررت بساحة ورأيته
غير طريقك ثم صهين وانكرب
واحزر ولا تذق الشراب بداره
تجد المحاية في الشراب فتنكتب

ღღღღღღღღღ

ممكن الزول ينسى أمسو

ينسىيومو الطالعه شمسو

ينسى ناسو وليه ينسو

بس

كيف ينساك إنتا

وإنتا

نفسك ياها

نفسو

ღღღღღღღღღ

البدايه
اسلوبك
ظريف
ودمك
خفيف
وسحرك
غريب
والنهايه
كلك
رهيب
يارهيب

ღღღღღღღღღ


...............................( قلبي).......................
فداك يعيش ويموت علي ذكراك
ينسي الكل ولاينساك

ღღღღღღღღღ

انت
معي
في خاطري
مثل
البلابل على الغصون


لو
فرقتهم
عاصفة
في
يوم
لابد
يلتقون

ღღღღღღღღღ

لو انسى كل الناس

لو انسى انا حالي

ويموت كل احساس

ما انساك يا غالي

ღღღღღღღღღ

بالخير مسيتك
وبماء الورد رشيتك
والسلام اهديتك
ولو اقدر اطيركان جيتك

ღღღღღღღღღ

عندي القلب وعندك دقاتو

عندي الجسد وعندك حياتو

عندي الحب وعندك حلاتو

ღღღღღღღღღ

عايز اكون نجمه سماك
كلمه شفاك شمعه مساك
بس تبقي معايه وابقي معاك
ღღღღღღღღღ

أصلو العناد من سبب ماأظن يشبه رقتك ...
ماالطلة منك لينا عيد ياعيدنا طالت وقفتك...
الناس بتسأل وين تكون والناس بكت يوم شافتك...
والحالة عرفوك من بعيد كيف القريب من إلفتك...

ღღღღღღღღღ

زود الله تقاك
ومن النار وقاك
وللفضيله هداك
وللجنه دعاك
وللفردوس ماواك

ღღღღღღღღღ

عايز ارسليك
لكن خايف تقول مهتم بيك
في الحقيقه زهجان بتسلى بيك

ღღღღღღღღღ

قسماً بالذي أنزل الثلج فوق الهضاب سأظل أحبك حتى البس الأبيض تحت التراب

ღღღღღღღღღ

اتعلمت الصبر انواع

عشان اصبر على بعدك

لقيت الصبر اوجاع

وراحة قلبي في قربك

ღღღღღღღღღ

مراسيلك ترد الروح
وتجبر الخاطر المجروح
عساني ماانحرم منك
ولامني تجيك جروح
ღღღღღღღღღ

اذا دم البشر احمر

فدمك عود مع عنبر

وكل من دنا منك

يشم الطيب ويتعطر

ღღღღღღღღღ
رساله جديده
تهز الشوق وجداني
اذا غابت مراسيلك
احب الحب من احبك
احب اسمع مراسيلك

ღღღღღღღღღ
شفت
الزين
انت...........اساسه
شفت
الحلا
انت...........تاج راسه
شفت
السودان
انت .........اغلي ناسه

ღღღღღღღღღ

حبيبي بسألك ليه الهوي منك وفيك
ليه المشاعر ما تعيش الابساعة شوفتك
ليه المحبه والوفا وأبيات شعري تهتويك
ليه أنت وبس الي اموت ببسمتك
تدري لو مره أقول أني كرهتك ما أبيك
يرجع علي الصوت الصدا يقوول الله
ما أكبر كذبتك

ღღღღღღღღღ

لو خيروني بين 10 مليون وشوفه عيونك

بختار 10 مليون

وأحرقهم لعيونك

ღღღღღღღღღ


*صحيح أنك غايب عن مدى شوفي
لكن صدقني إنك
متمكن في وسط جوفي

ღღღღღღღღღ

*والله احبك محبة مالها
اخر
افرح بشوفك وتسعدني
جياتك
انت قصيدة وانا يا صاحبي
شاعر
يحلى لي الشعر في وصفك
وفي ذاتك